المنظر الأول · بهو العمارة · ٧:٤٠ ص
بهو عمارة في شبرا. عم سيد قاعد على كرسي بلاستيك بيمسح مفتاح الأسانسير بكم قميصه. مدام نادية واقفة بكيسين، وطارق داخل جاري.
عم سيد
الأسانسير بيعرف صاحبه يا مدام. مش كل اللي بيدفع بيركب.
مدام نادية
أنا ساكنة الدور السابع من سنة ٨٩.
عم سيد
ومن سنة ٨٩ لحد النهارده، الأسانسير بيوقف في الخامس. اسألي نفسك ليه.
طارق
يا عم سيد، معايا امتحان الساعة تمانية.
عم سيد
الطلبة بيطلعوا على السلم. ده مش عقاب، ده تدريب.
مدام نادية
يعني انت بتوزع العمارة على مزاجك؟
عم سيد
لا يا مدام. بوزعها على اللي بيقول لي صباح الخير.
صفحة ٤ من ٢٤